افغانستان تورلی ولایتلریدن نشر اېتیلگن خبرلرگه کۉره، یاغینگرچیلیکلر دوامی و سوو تاشقینلری سبب کۉپلب یۉللر باغلنگن و ایریم حالتلرده بیر قنچه کیشی اۉلیب و یرهلنگنی هم رویخطگه آلینگن.
پروان، ننگرهار، غزنی، پکتیا و شونگه اوخشش باشقه بیر قنچه ولایتلرده سوو تاشقینلری آغیر وضعیتلرنی اۉرتهگه آلیب کېلگن.
بوندن تشقری، اۉتگن کوندن بیری غزنی، زابل و میدان وردک کبی ولایتلرده قار یاغیشی هم کۉزهتیلگن.
غزنی ولایتیدن نشر اېتیلگن خبرلرنی بیلدیریشیچه، بو ولایتنینگ قرهباغ اولسواللیگیده یوز بېرگن سوو تاشقینی نتیجهسیده ۵۸۰ روسوملی یۉلاوچی تاشووچی بیر موتر آغدریلگن که نتیجهده ۲ کیشی جان بېریب و ینه ۱۳ کیشی یرهلنگن.
اوشبو واقعه نتیجهسیده یرهلنگنلر آرهسیده بالهلر و عیاللر هم بارلیگی ایتیلماقده.
شونینگدېک یاغینگرچیلیکلر کابل-جلال آباد عمومی یۉلی همده پروان و بامیان ولایتلری اۉرتهسیدهگی یۉللر شامل ایریم حدودلرده باریب-کېلیش برابریده معما یرهتگن.
ایتیش کېرهک که افغانستان کېلهسی بیر نیچه کون دوامیده یاغینگرچیلیکلر گواهی بۉلیشی هم معلوم قیلینگن.
