یقینشرق حدودیده کوچلی هجوملر و تۉقنهشوولر دوام اېتر اېکن، تورکیه جمهور باشلیغی رجب طیب اردوغان، روسیه جمهور باشلیغی ولادیمیر پوتین بیلن تلیفونی صحبتلشیب، دنیا اینیقسه دوام اېتیب تورگن اوروش وضعیتنی محاکمه قیلگنلر.
تورکیه و روسیه دولت رهبرلرینینگ اوشبو ملاقاتی اۉتگن کون جمعه، ۱۴ – حمل بۉلیب اۉتگن.
اوشبو ملاقاتده، تورکیه و روسیه دولت رهبرلری، اوروش و تۉقنهشوولر دوامی، خلقارا سودا، لوجستیک و انرژی تامیناتی اوستیده سلبی تاثیر کۉرسهتیشیدن آگاهلنتیرگن.
شو بیلن بیرگه، اردوغان و پوتین مذکور تۉقنهشوولر تیزلیک بیلن تۉختهتیلیب، تینچلیک اۉرنهتیلیشی کېرهک دېب هم تاکیدلهگن.
عینی حالده، تورکیه و روسیه دولت رهبرلری بو اوروش و تۉقنهشوولر دوامی دنیا و منطقه اوچون آغیر عاقبتلرنی اۉرتهگه آلیب کېلیشی ممکنلیگیدن هم آگاهلنتیرگن.
ایتیش کېرهک که امریکا و اسراییلنینگ ایرانگه قرشی هجومی بیلن باشلنگن اوروش و تۉقنهشوولر بیر آیدن کۉپراق زمان بۉلهدی که دوام اېتماقده دیر.
