طالباننینگ سرپل ولایتیدهگی امنیه قومندانلیگی، بیر بیانات نشر قیلیب اعلام قیلیشیچه، بو ولایتده تۉرت کیشی بنگیوار مادهنی اېکیشده عیبلنیب، توتقینگه آلینگن.
طالبان بو شخصلرنی، سرپل ولایتی صیاد اولسواللیگیده اوشلهگن.
طالبانگه کۉره، بو شخصلر «تریاک» توردهگی بنگیوار مادهنی اېکیش بیلن شغللنگن.
بوندن ایلگری هم، طالبلر افغانستان تورلی حدودلریده شوندهی عیبلاولر بیلن آدملرنی حبسگه آلگن اېدی.
شونینگدېک، طالبان تامانیدن ایریم حدودلر اینیقسه بدخشانده تریاک اېکیلیشی برابریده قۉییلگن چېکلاولر کېنگ ناراضلیکلرگه سبب بۉلگن.
اهالینینگ ایتیشیچه، بدیل اېکین یۉقلیگی و ایشسیزلیک و درآمدلر آزلیگی دهقانلرنی تریاک اېکیشگه مجبورلنتیرگن.
ایتیش کېرهک که طالبان حاکمیتگه قیتگنیدن سۉنگ، افغانستانده بنگیوار مادهلرنی اېکیش، ایشلب چیقریش و ساتیشنی منع قیلگن. بیراق شوندهی بۉلسه هم مملکت تورلی حدودلریده بو مادهلر قولهیلیک بیلن تاپیلیب، ساتیلهدی.
