تورکیه ایچکی ایشلر وزیرلیگینینگ اعلان قیلیشیچه، ۲۰۲۶- ییلده ۹ مینگ افغانستانلیک مهاجر بو اولکهده حبسگه آلینگن.
اوشبو وزیرلیکنینگ گزارشیگه کۉره، اۉتکن بېش ییل جریانیده حبسگه آلینگن غیرقانونی مهاجرلر جملهسیدن کۉپراغی افغانستانلیک وطنداشلر بۉلگن.
گزارشگه بنا، ۲۰۲۱- میلادی ییلدن بېری تورکیه اولکهسیده ۳۷۰ مینگدن آرتیق افغانستانلیک مهاجر اوشلنگن. افغانستاندن سۉنگ، سوریه، اۉزبېکستان، ترکمنستان و ایران مملکتلرینینگ وطنداشلری بۉلگن.
تورکیه ایچکی ایشلر وزیرلیگینینگ ایتیشیچه: «۲۰۲۱- ییلدن بېری بو اولکهده حبسگه آلینگن غیرقانونی مهاجرلر سانی ۱.۱ میلیون کیشیگه یېتگن. یلغوز جاری ییل بیرینچی آییده اۉن مینگلب کیشی امنیتی کوچلر آرقهلی اوشۉلنگن.»
بوندن آلدین، طالبان مهاجرلر ایشلری بۉییچه وزیرلیگی، ۲۰۲۵- ییل باشلهنیشیدن اخیریگچه بیر میلیون و ۸۲۱ مینگ کیشی پاکستان، ایران و تورکیه اولکهلریدن افغانستانگه قیتیب کېلگنلرینی ایتگن اېدی.
