طالباننینگ ترانسپورت و هوا یۉللری وزیرلیگینینگ هواشناسلیک ادارهسی معلوماتی اساسیده، بوگون دوشنبه ۱۷ – حمل، افغانستان بویلب ۳۳ ولایتده یامغیر یاغیشی کوتیلهدی.
شونینگدېک، بوگون دوامیده افغانستان تورلی حدودلری سوو تاشقینلری، چقماق و کوچلی بورانلر گواهی بۉلیشی هم ممکنلیگی پیشبینلیک قیلینگن.
هواشناسلیک ادارهسینینگ بو معلوماتی شوندی بیرحالده دیر که افغانستا اخیرگی کونلر ایچیده، کوچلی و هلاکتلی یامغیر و سوو تاشقینلری گواهی بۉلیب کېلماقده دیر.
معلوماتلرگه کۉره، اوشبو حادثهلر حاضرگچه یوز گه یقین کیشی اۉلیمی و یوزدن آرتیق آدم یرهلنیشیگه سبب بۉلگن.
شونینگدېک سوو تاشقینلری عاقبتیده، کۉپلب اویلر و اېکینچیلیک یېرلری هم ویران بۉلگن.
