طالبان محلی رسمیلری معلوماتیگه اساسلنیب نشر اېتیلگن خبرلرگه کۉره، بو گروه جنگریلری بیلن پاکستان چیگرهلری اۉرتهسیده ینه بیربار تۉقنهشوو یوز بېرگن.
بو حقده نشر اېتیلگن خبرلرنی بیلدیریشیچه، اوشبو تۉقنهشوو خوست ولایتیدهگی چیگره حدودلرده یوز بېرگن.
طالبان ایریم یېتکیرمهلرگه بېرگن معلوماتلریده ادعا قیلیشیچه، واقعهده پاکستانلیک ۱۹ حربی اۉلیب و یرهلنگن.
طالبان بو تۉقنهشوو عاقبتیده بو گروهگه یېتکزیلگن ضربه حقیده هیچ نرسه دېگن اېمس.
شو بیلن بیرگه طالبان، بو تۉقنهشوو عاقبتیده پاکستان حربیلرینینگ بیر پوستهسی هم یۉق اېتیلگنینی ادعا قیلگن.
طالبانگه کۉره، بو تۉقنهشوو پاکستانلیک حربیلر تامانیدن باشلنگن.
طالبان و پاکستان اۉرتهسیده تۉقنهشوو شوندی بیرحالده دوام اېتماقده دیر که چین واسطهچیلیگیده ایکّی تامان اۉرتهسیده مذاکرهلر هم دوام اېتماقده دیر.
ایکّی کون ایلگری باشلنگن اوشبو سۉزلهشوولر حقیده حاضرگچه تۉلیق تفصیلات یۉق دیر.
