طالبان تشقی ایشلر وزیرلیگینینگ اعلام قیلیشیچه بو گروهنینگ تشقی ایشلر وزیری امیرخان متقی، اۉزبېکستان تشقی ایشلر وزیرلیگینینگ اۉرین باسری بابر عثمانوف و قیرغیزستان تشقی ایشلر وزیرلیگینینگ اۉرین باسری غیرت تورسینقلاف بیلن علیحده اوچرهشوولر اۉتکزگن.
طالبان تشقی ایشلر وزیری، بو حاکمیت اوشبو ایکّی مملکت بیلن مناسبتلرینی یخشیلش آرتیدن اېکنینی تیلگه آلگن.
دېمک، اۉزبېکستان و قیرغیزستان تشقی ایشلر وزیرلیکلرینینگ اۉرین باسرلری، کابلده اۉتکزیلگن مصلحتلشوو ییغینده اشتراک اېتیش مقصدیده، پایتخت کابلگه سفر قیلگن.
طالبان تشقی ایشلر وزیری، اۉزبېکستان و قیرغیزستاندن، افغانستان بیلن مناسبتلرینی یخشیلنتیریشنی طلب قیلگن. شونینگدېک متقی، اۉزبېکستان و قیرغیزستان مملکتلری بیلن طالباننینگ حاضرگی مناسبتلرینی ایجابی بهالهگن.
بو شوندهی بیرحالده دیر که اۉزبېکستان و قیرغیزستان حاضرگچه طالباننی رسمیتگه تَن آلگن اېمس. بیراق شوندهی بۉلسه هم بو حاکمیت بیلن مناسبتلرینی یخشیلشتیرماقده.
