اۉزبېکستان تشقی ایشلر وزیری بختیار سعیدوف سهشنبهدن چهارشنبهگه اوتر کېچهسی ۱۸ – حمل اعلام قیلیشیچه، اۉزبېکستان و اسپانیا بیزنس فورمی اۉتکزیلگن.
سعیدوف اۉزینینگ ایکس صحیفهسیده یازیشیچه، اوشبو ییغین اسپانیانینگ پایتختی مادرید شهریده اۉتکزیلیب، ایکّی مملکت رسمیلری و تدبیرکارلری اشتراک اېتیشگن.
ییغینده، انرژی، آست-قورمه، ترانسپورت، اېکینچیلیک، قوریلیش، توریزم و باشقه یۉنهلیشلردهگی ایکّی مملکت همکارلیکلری حقیده بحث اېتیلگنی هم قید اېتیلگن اۉزبېکستان تشقی ایشلر وزیری بیاناتیده.
شونینگدېک، اۉزبېکستان تشقی ایشلر وزیری، اۉز بیاناتیده بو مملکت بیلن اسپانیانینگ مناسبتلری و همکارلیکلری کوچهیشی اوچون شرایطلر موجودلیگینی هم تاکیدلهگن.
ایتیش کېرهک که اۉزبېکستان و امریکا اۉرتهسیدهگی بیزنس کېنگش هم واشنگتن شهریده ایشگه باشلهگن اېدی.
اوشبو سعیوحرکتلر، اۉزبېکستان حکومتینینگ امریکا و اروپا مملکتلری بیلن مناسبتلری و همکارلیکلرینی کوچهیتیریشگه قرهتیلگن فعالیتلری دوامی دیر.
