اسراییل باش وزیری بنیامین نتنیاهو، امریکا قوشمه ایالتلری و ایران اسلامی جمهوریتی اۉرتهسیدهگی ایکّی هفتهلیک آتیش-کېسین کېلیشووینی قۉللب-قوتلهگن.
بو حقده نشر اېتیلگن خبرلرگه کۉره، نتنیاهو امریکا جمهور باشلیغی قراریدن حمایه قیلیشینی بیلدیرگن.
شونینگدېک، اسراییل باش وزیری اوشبو کېلیشوو لبناننی اۉز ایچیده آلمسلیگینی بیلدیریب، بو مملکتگه قرشی ضدیت دوام اېتیشینی معلوم قیلدی.
عینی حالده، اسراییل باش وزیری آتیش-کېسین عملگه آشیریلیشی اوچون هرمز بۉغازی آچیلیشی، اسراییل همده منطقه مملکتلریگه قرشی هجوملر تیزلیک بیلن تۉختهتیلیشینی باشقه شرطلری اولهراق بیان قیلگن.
ایتیش کېرهک که بوگون باشلب، امریکا و ایران اۉرتهسیده ایکّی هفتهلیک آتیش-کېسین باشلندی.
