سرپل ولایتیده طالبان خوفسیزلیک قومندانلیگی تامانیدن نشر اېتیلگن معلوماتلرگه کۉره، اخیرگی ایکّی کون دوامیده بو قومندانلیک کوچلری ولایت بویلب ۹ کیشینی توتقینگه آلگن.
طالبان بو شخصلرنی سرپل مرکزی و ینه بیر قنچه حدودلریده اوشلهگن.
طالبان بو شخصلرنی مخدره ماده و شراب ساتیش، ایشلب چیقاریش و استمعال قیلیشده عیبلب اوشلهگن.
شونینگدېک، طالبان تامانیدن اخیرگی اوشلهنگن ایکّی شخص مخدره ماده ساتیشگه قوشیمچه، اۉغیرلیک قیلیشده هم عیبلنگن.
طالبانگه کۉره، بو ایکّی شخص اۉتگن کېچه حبسگه آلینگن.
ایتیش کېرهک که بوندن آلدین، سرپل، فاریاب و جوزجان ولایتلریده طالبان بو گروهگه قرشی دېب گمان قیلگن آدملرنی تورلی عیبلاولر جملهدن اۉغیرلیکده عیبلب اوشلهگنی حقیده خبر بېریلگن اېدی.
