بوگوندن باشلب امریکا قۉشمه ایالتلری و ایران اسلامی جمهوریتی اۉرتهسیده ایکّی هفتهلیک آتیش-کېسین کېلیشووی باشلندی. اوشبو کېلیشوو باشلنیشی بیلن ایران و امریکا ایکّلهسی هم کېلیشوو اولرنی طلبی اساسیده بۉلگنینی ایتماقده.
خلقارا یېتکیرمهلر تامانیدن نشر اېتیلگن خبرلرگه کۉره، ایران اسلامی جمهوریتینینگ رسمیلری، بو کېلیشوونی ایران اوچون کتّه یوتوقلیک دېب معلوم قیلگن.
شو بیلن بیرگه، امریکا جمهور باشلیغی دونالد ترمپ هم، بو کېلیشوونی کتّه غلبه دېب بهالهگن.
ترمپ بوگون چهارشنبه، ۸- اپریل، تروت سوشیال اجتماعی ترماغیده یازیشیچه «بوگون خلقارا تینچلیک اوچون ییریک بیر کون دیر.»
شونینگدېک، ترمپ هرمز بۉغازی آچیلیشینی هم اېسلب، امریکا کوچلری وضعیتنی نظارتگه آلیش اوچون منطقهده حضوری بۉلیشینی بیلدیرگن.
ایتیش کېرهک که امریکا و ایران اۉرتهسیده پاکستان واسطهچیلیگیده ایکّی هفتهلیک آتیش-کېسین تامینلندی و بو کېلیشوو کینگ مناسبتلر و محاکمهلرنی اۉرتهگه آلیب کېلماقده دیر.
