ایران و امریکا اۉرتهسیده اۉت آچیشنی تۉختهتیش اعلان قیلینگچ، ایران عامهوي اخبارات واسطهلری اوشبو مملکت تامانیدن تکلیف قیلینگن ۱۰ بندلیک رېجه آتیش کېسن کېلیشووی نینگ اساسي صفتیده قبول قیلینگنینی دعوا قیلماقده.
امریکا جمهور رییسی دونالد ترامپ هم آتش کېسین بۉییچه اعلان قیلگن پُستیده شوندهی یازگن: «بیز اېران تامانیدن ۱۰ بندلیک پشنهاد آلدیک و بو رېجه مذاکرهلر اوچون عملي اساس بۉلیشیگه ایشانهمیز.»
«فرس» اخبارات اگېنتلیگی بیر منبعگه تهیهنیب، اوشبو تکلیف نینگ تفصیلاتلرینی اعلان قیلگن. اونگه کۉره، رېجه قوییدهگیلرنی اۉز ایچیگه آلهدی: منطقهده اېرانگه و اونینگ اتفاقچی گروهلریگه قرشی هجوملرنی تۉلیق تا‘ختهتیش، اقش جنگاور کوچلرینی منطقهدن چیقریش طلبی، اېرانگه قرشی برچه چېکلاولرنی بېکار قیلیش، اېران نینگ هسته قورالی ایشلب چیقرمسلیک مجبوريهتی همده اقش تامانیدن اېران نینگ یورانیومنی باییتیش حقوقینی تن آلیش تکلیفی.
فارس خبرگزارلیگی معلوماتیگه کۉره، پشنهادنینگ اساسي بندلری قوییدهگیچه:
۱ ایرانگه و اونینگ اتفاقچی «قرشیلیک گروهلری»گه قرشی هر قندهی تجاوزنی تۉلیق تۉختهتیش.
۲ امریکا جنگاور کوچلرینی منطقهدن چیقریش، بازهلردن ایرانگه قرشی هر قندهی هجومنی تعقیقلش و جنگاور جایلشوودن واز کېچیش.
۳ ایران نظارتی آستیده خوفسیز اۉتیش پراتاکالی دایرهسیده هرمز بۉغازی آرقهلی کېمهلرنینگ کونلیک چېکلنگن حرکتی (ایکّی هفته مدتگه).
۴ برچه بیرلمچی، ایکّیلمچی و بیرلشگن ملتلر تشیکلاتی چېکلاولرینی بېکار قیلیش.
۵ ایران ضررلرینی قاپلش اوچون تامینلش اوچون مالیوي فوند تشکیل اېتیش.
۶ ایران نینگ هسته قورالی ایشلب چیقرمسلیک مجبوريتی.
۷ امریکا تامانیدن اېران نینگ یورانیوم باییتیش حقوقینی تن آلیش و باییتیش درجهسی بۉییچه مذاکرهلر.
۸ اېران نینگ منطقه دولتلری بیلن ایکّی و کۉپ تامانلهمه تینچلیک کېلیشوولری بۉییچه مذاکرهلرگه راضیلیگی.
۹ برچه «تجاوزکارلرگه» قرشی هجوم قیلمسلیک تمایلی نینگ برچه قرشیلیک گروهلریگه تطبیق اېتیلیشی.
۱۰ خلقارا اتم انرژیسی اگېنتلیگی و بیرلشگن ملتلر تشکیلاتی خوفسیزلیک کېنگشی قطعنامهلری نینگ توگهتیلیشی همده برچه مجبوريتلرنینگ بمت نینگ رسمي قطعنامه لری تصدیقلنیشی.
فارس خبرگزازلیگی منبعگه تهیهنیب یازیشیچه، ایران اوّل امریکانینگ ۱۵ بندلیک رېجهسینی رد اېتگن و هر قندهی آتش کېسین اۉز تکلیفی نینگ قبول قیلینیشی همده ترامپ نینگ رسمي راضیلیگی بیلن باغلگن. ترامپ اېسه اېران نینگ ۱۰ بندلیک رېجهسینی رسماً قبول قیلگن.
اېران و اقش قریب ۴۰ کون دوام اېتگن اوروشدن سۉنگ، بوگون تانگده پاکستان واسطهچیلیگیده ایکّی هفتهلیک آتش کېسین گه کېلیشیب آلگنینی اعلان قیلگن.
تامانلر یکوني تینچلیک کېلیشووینی محاکمه قیلیش اوچون جمعه کونی اسلام آبادده مذاکرهلرنی باشلشی رېجهلشتیریلگن.
