طبیعی واقعهلرگه قرشی کورهش ملی ادارهسینینگ ایتیشیچه، آلتینچی حملدن بوگونگچه مملکت بۉیلب یوز بېرگن طبیعی واقعهلر عاقبتیده ۱۴۸ کیشی جان بېریب و ۲۱۶ کیشی یرهلنگن.
بو اداره سۉزلاوچیسینینگ ایتیشیچه، اۉتگن ۲۴ ساعت جریانیده مملکت بۉیلب سوو تاشقینی و یاغینگرچیلیکلر طفیلی ۱۵ کیشی جان بېرگن.
طبیعی واقعهلرگه قرشی کورهش ملی ادارهسینینگ سۉزلاوچیسی محمد یوسف حماد، بوگون چهارشنبه، ۱۹ حمل بیر گزارش آرقهلی ایتیشیچه: «آلتینچی حملدن بېری سوو تاشقینلری و یاغینگرچیلیکلر سبب ۱۴۸ کیشی جان بېریب، ۲۱۶ کیشی یرهلنگن و ۸ کیشی یۉقالگن، شونینگدیک ۱۱۴۹ یشش اوی ویران بۉلگن و ۵۰۱۰ اوی هم زیان کۉرگن.
شونینگدیک، ۱۶ محراب مسجد، ۹٫۱ کیلومتر عموی یۉلگه زیان ییتگن و ۹۶۸ جریب اېکینچیلیک یېر اۉرتهدن کېتگن.
سۉنگی ۱۵ کون آقیمیده افغانستان سابقهسی بۉلمهگن یاغینگرچیلیکلرگه گواه بۉلگن. ایریم ولایتلر جملهدن، زابل، غزنی، بدخشان و پنجشیر ولایتلریده قلینلیگی ۵۰ سانتی متر قار یاغگنی ایتیلگن.
