التماس بو یازوونی بیر مرته اۉقینگ
مېن یازووچی اېمسمن، اما؛ اوز قیغومنی یازهمن.
مېن هبت الله یعقوب اۉغلو بوندن ۲۱ ییل اول فاریاب ولایتی میمنه شهرینینگ منطقه سبز حدودی توغیلگن من.
مېنینگ بالهلیک دوریم یخشی اېسمده که بیزنینگ قیشلاغمیز و ولایتیمیزده اۉزبېک کلاهسی دېب قیزیل و قاره اېپدن توقیلگن کلاه کۉپینچه خلق قولهنراېدی، و بو کلاهلرنینگ اوییلرده آنه و بیویلریمیز توقیرایدیلر، که مېنینگ اۉز بویم هم اوییده تۉقییراېدی.
ییللر دوامیده ییگیتلریمیز زمانوی بۉلهمیز دېب بو کلاه کم قۉلنه باشلندی، لېکن بیز اۉزبېک خلقینینگ تیلسېور و مدنیت سېورلریمیز دائما بو کلاهدن فرهنگی ییغینلر و هییت کبی بیرملرگه کییراېدیلر، مین هم تیل و بای مدنیتیمیزگه جوده قیزیقراېدیم شو یوزدن مېن هر بیر فرهنگی مناسبلرگه کییراېدیم.
افغانستانده حکمیت اۉزگرگندن کېین بیزنینگ تیلیمیزگه قرشیلیکلر کۉپیه باشلنهدی شو یوزدن بیلیم یورتده اۉزبېک تیلی و ادبياتی بولیمینی جۉده آز انسانلر تنلهی دیلر.
مېن شوندهی بیر اساس زمانده اۉز تیلمنی کانکور سیناویده تنلشگه قرار قیلیب ۱۴۰۴ ییلدن کابل بیلیمیورتیده اۉزبېک تیلی و ادبياتی بولېمیگه کیردیم.
بوگون چهارشنبه حمل آیینینگ ۱۹ ده بیز بیلیمیورتنینگ اۉزبېک بۉلیمی طلبهلری، استادلر بیلن بیر یخشی نیت بیلن بیلیمیورتده تازهلیک کېلتیریش و بای مدنیتنینگ باشقه خلقلرگه کۉرستیش اوچون برچه بۉلیم طلبهلر، استادلر بیلن بیلیمیورتنینگ ایچیده ایلنیب چیقیندیلرنی ییغیب یورگن پیتده بیر قاره زرهی موتر تۉختهدی و بیزدن سۉرهدی که سیزلر بیلیمیورت طلبهسی سیزلرمی، بیز بو سۉراقگه هه دېب جواب بېرگن پیتده استادلرینگیز کییم دېب بیزنینگ بۉلیم باشلیغیمیزنینگ موتر یانیگه آلیب باردیلر و بیزگه استادیمیز سیزلر چیقیندیلرنینگ ییغیشینی دوام بېرینگ دېدیلر و بیز اېسه بو ایشگه دوام بېره باشلهدیگ اۉنچه زمان اۉتمگنده بیز برچه طلبهلرنی هم چقیردی.
موترنینگ یانیگه باردیگ، موتر دن عالی تحصیلات وزيری ندا محمد ندیم توشیب کېیین بیزلرنینگ هر بیریمیزدن علیحده کیملیگیمیز، قیسی ولایت و قیسی قوم دن بۉلگنمیزنی سۉرهدی، شو جریانیده برچه میزنینگ باشیمیزده اۉزبېکی کلاهلریمیز بار اېدی.
حرمت سیزلیک بیلن، باشدهکی کلاهلرنی قهیېردن آلدینگیزلر و نیمهگه بونی کییبسیزلر دېدی.
مېن شو پیتگچه هم وزیر بیزنینگ بو چیقیندیلرنی ییغگنیمیز اوچون آلقیشلیدی دېگن امیده اېدیم.
بیز بوندی بیر حالتنی کۉریب قیغولنیب خواطرگه توشدیگ
وزیر ایتیکی بو کلاه خلقیلر و منظور پشتوندن سیزلرنینگ بو کلاهنی کییشلرینگیز سیاسی فعالیت حسابلنهدی دېدی اونگه هرقنچه استاد توشینتیرسه هم او توشینمهدی، کېین مینگه سۉاراق بیردیکی سېنگه بو کلاهنی کییشنی کیم ایتگن، مېن اونگه ایتیم: مېن هردایم بو کلاهنی کییمن و هیچ کیم ایتگن اېمس، نیمه اوچون کیهسن بو سیاسی فعالیت دېدی، مېن شو پیتده، اۉزبېک کییمنی کییشگه شونچه قرشیلیک بۉلر میکن دېب قیغولنیب اونگه ایتدیم، وزیر صاحب مېن فاریاب ولایتیدنمن و اۉزبېک من بو بیزنینگ فرهنگی کییمیمیز دیر، وزیر ایتیکی بو بیزنینگ فرهنگی میز اېمس، کېین مین اونگه ایتیم که وزیر صاحب بو کلاهنی اوییلریمیزده آنه و بیویلریمیز قۉلیبیلن تۉقیدی، بو کلاهنی کییشینی نېمه جرمی بار دېگن چاغی او مېنینگ بیر شپات اۉردی، شو زمان بوتون دنيا قرانغو بۉلدی، شپات دردیدن اېمس بلکی بیر وزیر محصل بیلن شوندهی مناسبتگه بۉلگنی اوچون.
کېین او دېدیکه بولرنینگ برچهسینی بیلیمیورتدن چیقاریش کېرهک و اۉزی موترده اۉلتیریب کېتدی او یېرده قوراللیک وزیر قورغاقچیلری و بیلیمیورت تامانیدن هیئت بیزلرنینگ برچهمیزنی، عینن که بیز انسان اۉلدیرگن بۉلسگ بیلیمیورت ریاستیگه آلیب باردیلر.
او یېرده بیزلرنینگ حقارتلب بیر تېز ییغین باشلندی او یېرده کۉپ صحبتلر بۉلیب برچهمیزنینگ کیملیگلرمیزنی یازیب و کارتلرمیزدن رسم آلیندی.
بو مېنی جۉده قیینهدی که نیمهگه باید بوندی حقارتلنسگ؟
بیز نینگ نیمه گناهیمیز بار؟
