بیرلشگن ملتلر تشکیلاتیدهگی افغانستان نمایندهلیگینینگ سرپرستی نصیراحمدفایق، هرات ولایتینینگ انجیل اولسواللیگیده تینچ اهالیگه قیلینگن هجومنی کېسکین قارهلهگن.
او بوگون (شنبه، ۲۲حمل) نشر قیلگن بیاناتیده شوندهی دېگن: «بوندهی هجوملر افغانستان حلی هم خوفسیز اېمسلیگینی ینه بیر بار کۉرسهتهدی و اېکسترېمیست همده ترورچی گروهلر جوابگرلیکدن قۉرقمسدن منتظم، رېجهلشتیریلگن هجوملرنی عملگه آشیره آلیشینی اثباتلهیدی.»
او قربانلر عایلهلریگه همدردلیک بیلدیریب، هجوم اجراچیلرینی انیقلش و جوابگرلیککه تارتیشنی طلب قیلگن.
تیناوون توشدن کېین موترسیکلگه مینگن قوراللی شخصلر انجیل اولسواللیگینینگ «دهمیری» حدودیده شیعه زیارتگاهی یقینیده تینچ اهالیگه هجوم قیلگن.
طالبان ایچکی ایشلر وزیرلیگی بو هجومده کمیده 7 کیشی هلاک بۉلگنی و۱۳ کیشی یرهلنگنینی بیلدیرگن، اما محلي منبعلر قربانلر سانی بوندن کۉپراق اېکنینی اَیتماقده و اولرنینگ اکثریتی شیعهلر اېکنینی تأکیدلهماقده.
حاضرگچه هېچ بیر گروه بو هجوم اوچون جوابگرلیکنی اۉز ذمّهسیگه آلمهگن.
سۉنگگی ییللرده افغانستان نینگ غربي هرات ولایتیده شیعه و هزارهلر بیر نېچه بار قوراللی هجوملرگه دوچ کېلگن. بعضی حالتلرده بو هجوملر اوچون «داعش» جوابگرلیکنی اۉز ذمّهسیگه آلگن.
