امریکا و ایران وکیللرینینگ اسلام آباد شهریدهگی ۲۱ ساعت تینچلیک مذاکرهلری نتیجهسیز یکونلنیب، اۉرتهدهگی آتیش-کېسین کېلیشووی و تینچلیک کېلهجگینی خواطر آستیده قۉیگن.
امریکا و ایران وکیللری، اوشبو موفقیتسیزلیکده بیر-بیراوینی عیبدار اعلام قیلماقده دیر.
امریکا جمهور باشلیغینینگ اۉرین باسری جیدی ونس، ایران بو مملکت شرایطلرینی قبول قیلیشگه تیار اېمسلیگینی بیلدیردی و شو سبب سۉزلهشوولر نتیجهسیز قالگن.
شو بیلن بیرگه، ایران حکومتی بو مذاکره امریکالیکلرنینگ حددن تشقری طلبلری سبب موفقیتسیزلیککه یوز کېلتیرگنینی اعلام قیلگن.
دیمک اوشبو مذاکرهلر امریکا و ایران اۉرتهسیده امضالنگن ایکّی هفتهلیک آتیش-کېسین کېلیشووی اساسیده اۉتکزیلدی و بوندن ایلگری، ایکّی تامان بیر-بیراوینی کېلیشوونی بوزگنلیکده هم عیبلهگن.
عینی حالده، پاکستان تشقی ایشلر وزیری محمد اسحاقدار، بوگون یکشنبه ۲۳ – حمل بیر بیانات نشر قیلیب، ایکّی تاماندن آتیش-کېسین کېلیشوویگه صادق قالیشلرینی طلب قیلگن.
