روسیه مدافعه وزیرلیگینینگ اعلام قیلیشیچه، بو مملکت و اوکراین اۉرتهسیده ۳۵۰ کیشی حربی محبوس المهشیلگن.
ایتیلیشیچه، هر بیر مملکتنینگ ۱۷۵ کیشی حربی عسکری محبوسلیکدن آزاد اېتیلیب، بیر-بیراویگه تاپشیریلگن.
اوشبو محبوسلر ارتدکس مسیحیلر هییت بیرهمی مناسبتی بیلن آزاد اېتیلگن.
شونینگدېک، روسیه جمهور باشلیغی ولادیمیر پوتین قراری اساسیده اوشبو بیرهم مناسبتی بیلن اوکراین و روسیه اۉرتهسیده بیر کونلیک آتیش-کېسین هم تامینلنگن.
ایتیش کېرهک که اوکراین و روسیه اۉرتهسیده اوچ ییلدن بیری اوروش دوام اېتماقده و حاضرگچه اوروش قچان و قندهی یکونلنیشی بېللی اېمس.


