طالبان نینگ پنجشیر ولایتیدهگی والی ادارهسی زمرد قزیب آلیش اوچون رخصتنامه نرخی۹۰ مینگ افغانیدن۲۵ مینگ افغانیگه توشیریلگنینی معلوم قیلدی.
اوشبو اداره بوگون (یکشنبه، ۲۳حمل) اعلان قیلگن بیاناتیده بو قرار کانچیلر اوچون کۉپراق قولهیلیک یرهتیش مقصدیده قبول قیلینگنینی بیلدیرگن.
شونینگدېک، سۉنگگی بیر ییل ایچیده پنجشیر کانلریدن۱۱۱ مینگ۵۷۰ قیراط قزیب آلینگن زمرد۴ میلیون۱۷۸ مینگ اقش دالری قیمتیده ساتیلگنی ایتیلگن.
طالبان معلوماتلریگه کۉره، حاضرگچه ولایتده۱۷۰۰ دن آرتیق زمرد کانی انیقلنگن بۉلیب، اولردن۶۰۰ تهسیده قزیب آلیش ایشلری دوام اېتماقده.
طالبان حاکمیتگه قَیتگنیدن بېری پنجشیرنینگ زمرد کانلرینی منتظم قزیب آلیب، محصولاتلرینی ساتیب کېلماقده.
زمرددن تشقری، بو گروه پنجشیرده یاقوت، فیروزه و بیروج و گرینگارنت کانلرینی هم قزیب آلیشنی باشلهگن.
افغانستان کانلرینینگ طالبان تامانیدن قزیب آلینیشی کېنگ تنقیدگه اوچرهگن بۉلیب، اَیریم سیاسي گروهلر بونی مملکت بایلیکلرینینگ «تالان-تاراج» قیلینیشی دېب اتشگن.
