امریکا و ایران یوقاری مرتبهلی رسمیلرینینگ اسلامآباددهگی مذاکرهلری نتیجهسیز یکونلنگن بیرحالده، بو مذاکرهلرده ایران اسلام جمهوریتی هیاتینینگ باشچیلیک قیلگن بو مملکت پارلمانی باشلیغی محمدباقر قالیباف، مذاکرهلر خصوصیده تفصیلات بېردی.
قالیباف اۉزینینگ ایکس صحیفهسیدن یازگن بیاناتیده، مذاکرهده امریکالیکلر اولرنینگ ایشانچنی قۉلگه کېلتیریشگه قادر بۉلمهگنینی بیلدیرگن.
شو بیلن بیرگه، قالیباف امریکالیکلر بیلن مذاکرهده ایشانچسیزلیک بیلن اشتراک اېتگنینی هم معلوم قیلگن.
عینی حالده، قالیباف ایران حربی تیارگرلیک بیلن بیرگه، دیپلوماسی یۉلی آرقهلی هم قیرق کونلیک اوروش و مقاومت منفعتلریدن حمایه قیلیشینی بیلدیرگن.
ایتیش کېرهک که ایران و امریکانینگ ۲۱ ساعت دوام اېتگن اوشبو مذاکرهسی موفقیتسیز یکونلندی.
حاضرگچه اوشبو مذاکرهلر قیته باشلنیشی ممکن می یا یۉق بېللی اېمس.
