بامیان ولایتی محلی رسمیلرینینگ ایتیشیچه، اۉزبېکستان اولکهسی اېکینچیلیک دستوری دایرهسیده اوشبو ولایتده ۸۵ تا ۹۰ مینگ جریب یېرده کچالو یېتیشتیرهدی.
بامیان ولایتی والیسینینگ اخبارات ادارهسی بیر گزارش آرقهلی ایتیشیچه، یقین کېلهجکده اصلاح اېتیلیگن ۴۰ تُن کچالو اوروغی هالنددن ساتیب آلینیب بامیان ولایتیگه آلیب کېلینهدی و بو اوروغ نینگ اېکیلیش ایشی محلی اداره هماهنگلیگی و اۉزبېکستاندن کېلگن متخصصلر نظارتی آستیده باشلنهدی.
بو موضوع اۉزبېکستاننینگ خصوصی سرمایه کیریتیش و تجارت اتاقینینگ باشلیغی دوران وهابوف و بو اولکهنینگ افغانستاندهگی اېلچیلیگی اۉرین باسری بهادر قدیر اوف، بامیان والیسی بیلن اوچرهشووده تیلگه آلینگن.
دېمک، سۉنگّی پیتلرده اۉزبېکستان مملکتی افغانستاننینگ ایریم بۉلیملری اینیقسه تجارت و اېکینچیلیک ساحهلریگه سرمایه کیریتیشی اوچون علاقهلری کۉپهیگن.
