بیرلشگن ملتلر تشکیلاتینینگ افغانستاندهگی نمایندهگی یا ده «یوناما» اعلام قیلیشیچه، افغانستانگه قیتریلگن مهاجرلرنی قۉللب-قۉتلش اوچون بیر رېجه تیارلنگن.
یوناما بوگون سهشنبه ۲۹ – ثور ترقهتگن بیاناتیده، اوشبو رېجه ۵۲۹ میلیون دالرلیک ارزشگه اېگه بۉلگنینی هم معلوم قیلدی.
بیرلشگن ملتلر تشکیلاتی نمایندهلیگی اوشبو رېجه اساسیده، ایران و پاکستاندن قیتریلگن ۲.۷ میلیون مهاجرنی قۉللب-قۉتلهیدی.
شونینگدېک بیرلشگن ملتلر تشکیلاتی کېلهسی آیلر دوامیده ایران حکومتی ۱.۷ میلیون مهاجرنی و پاکستان اېسه ۱.۱ میلیون مهاجرنی چیقریب، افغانستانگه قیتریشی کوتیلهدی.
بو شوندهی بیرحالده دیر که اخیرگی ییللرده پاکستان و ایراندن افغانستانلیک مهاجرلر چیقریلیشی جدّیلشیب، میلیونلب مهاجر مملکتگه قیتریلگن.
