ایران جمهور رییسی مسعود پزشکیان اوروش اۉرنیگه دیپلوماتیک یېچیم ضرورلیگینی تأکیدلب، اېراننی کوچ بیلن تسلیم قیلیشگه اورینیش فقط «خام خیال» اېکنینی ایتدی.
پزشکيان چهارشنبه آقشامی ۳۰-ثور ایکس اجتماعی ترماغیدهگی بیاناتیده اوروشنی توگهتیش اوچون سیاسي یېچیم مهملیگینی تأکیدلهدی.
او شوندهی یازدی: «اېران هر دایم اۉز مجبوريتلریگه صادق قالگن و اوروش نینگ آلدینی آلیش اوچون برچه یۉللرنی کۉریب چیققن؛ بیز تاماندن برچه یۉللر آچیق.»
ایران جمهور رییسینینگ ینه قۉشیمچه قیلیشیچه: «اېراننی کوچ آرقهلی تسلیم قیلیشگه مجبور اېتیش بو فقط خام خیال دیر. دیپلوماتیکده اۉز ارا حرمت اوروشدن کۉره انچه عاقلانه، خوفسیز و برقرار یۉل دیر.»
شو بیلن بیرگه، دونالد ترامپ هم سیاسي کېلیشوو ضرورلیگینی تأکیدلهماقده.
ترامپ کېچه ایران بیلن مذاکرهلر یکوني باسقیچگه یېتگنینی و تهران بونگه راضی بۉلیشی کېرهکلیگینی ایتدی.
او آگاهلنتیریب، اگر تهران بو سفر هم کېلیشووگه اېریشه آلمهسه، امریکا قۉشمه ایالتلری «یاقیمسیز چارهلر» کۉریشینی بیلدیردی.
