بویوک بریتانيانینگ افغانستان بۉییچه مخصوص وکیلی ریچارد لیندسی، طالبان تامانیدن «اېر-خاتینلرنی اجرهتیش نظامی» تصدیقلنیب، امضالنگنیدن خواطر بیلدیرگن.
بریتانيا مخصوص وکیلی ایکس اجتماعی ترماغیده نشر قیلگن پُستیده اوشبو نظامنی طالباننینگ ینه بیر «ظالمانه چارهسی» دېب اتهب، اونی بېکار قیلیشگه چقیرگن.
او، شونینگدېک، «افغانستان عیاللری و قیزلری حیات نینگ برچه ساحهلریده تېنگ حقوقلرگه لایق دیر»، دېب تأکیدلهگن.
طالبلر رهبری هبتالله آخوندزاده تامانیدن تصدیقلنیب امضالنگن «اېر-خاتینلرنی اجرهتیش نظامی» یقینده اوشبو گروه نینگ عدلیه وزیرلیگی تامانیدن اعلان قیلیندی.
مذکور نظامده «باله نکاحی» بالواسطه تن آلینگن بۉلیب، اجرهلیش حقوقیده اېرککلر و عیاللر اۉرتهسیده کمسیتووچی فرقلر بېلگیلنگن.
بوندن آلدین بویوک بریتانيا تشقی ایشلر وزیری نینگ یقین شرق و شمالي افریقا مسألهلری بۉییچه اۉرینباسری هم بالهلر نکاحیگه رخصت بېرووچی اوشبو نظامدن دهشتگه توشگنینی بیلدیرگن اېدی.
اوشبو نظام نینگ اعلان قیلینیشی کېنگ کۉلملی ناراضیلیک و عکسالعمللرگه سبب بۉلدی.
