یېتّینچی جوزا بوندن اۉن تۉقیز ییل آلدین افغانستاننینگ شمالی ولایتی بۉلمیش جوزجان ولایتینینگ مرکزی شبرغان شهریده یوز بېرگن قانلی حادثه کونیگه تېنگ دیر.
اوشبو تاریخده ملتیمیزنینگ کۉرهشچن و باتور ییگیتلری فاشیزیمگه قرشی حق ایستب ملتنینگ آرزولری رویابگه چیقیشی اوچون جان بېردی.
یېتّی جوزا کونی قربان بولگن باتور ییگیتلر اۉز شخصی منفعتلری اوچون اېمس، بلکه ملی منفعت و خلقیمیزنینگ حق و حقولرینی ایستب اېزگو بیر آرمان اوچون اۉز جانلرینی قۉلدن بېرگن اېدیلر.
1386- ییل، جوزا آیینینگ یېتّینچی کونی جوزجان ولایتینینگ مرکزی شبرغان شهریده اۉن مینگلب اعتراضچی کیشیلر مدنی یۉل بیلن اۉز حق و حقوقلرینی تیلهگن بیر پیتده، اۉشه زماننینگ حاکمی تامانیدن شفقتسیز روشده قوراللی هجوم آستیگه آلینگن اېدیلر.
مذکور قوراللی هجوم نتیجهسیده مدنی یۉل بیلن اعتراض بیلدیرگن ملتیمیزنینگ باتور و کۉرهشچن فرزندلریدن اۉنلب کیشی جان بېریب ویوزلب کیشی اېسه یرهلنتیریلگن اېدی.
