آزادلیک جبههسی بوگون یکشنبه ۱۰ – جوزا، بیر بیانات ترقهتیب بدخشانده طالبانگه قرشی راکت هجومینی اویوشتیرگنیدن خبر بېردی.
اوشبو جبههنینگ بیاناتیده ادعا اېتیلیشیچه، بو هجوملر طالباننینگ بدخشان ولایتی بهارک اولسواللیگیدهگی کندکی نشانگه توتیلگن.
بو هجومده بیر قنچه راکت طالبان حربی مرکزیگه تامان آتیلگنی و ۲۰ دقیقهلیک تۉقنهشوو یوز بېرگنی هم قۉشیمچه قیلینگن آزادلیک جبههسی بیاناتیده.
اوشبو هجوم، شنبه ۹ – جوزا اېرتهلب تانگ چاغی عملگه آشیریلگن.
شو بیلن بیرگه، آزادلیک جبههسی اوشبو هجوم نتیجهسیده اۉز جنگچیلریگه هیچ قندهی زیان یېتمهگنی بیراق طالبان قربانلیکلری حقیده حاضرگچه معلوماتگه اېگه اېمسلیگینی بیلدیرگن.
ایتیش کېرهک که بوندن آلدین، آزادلیک جبههسی بدخشاننینگ تورلی حدودلریده اۉزینینگ کوماندو کوچلری جایلشتیریلگنی و بوندن کېین طالبانگه قرشی هجوملری باشلهنیشینی اعلام قیلگن اېدی.
