پاکستان ایچکی ایشلر وزیری محسن نقوی، ایران رهبری مجتبی خامنهای گه آلیب بارگن مکتوبینی، ایران تشقی ایشلر وزیری سیدعباس عراقچیگه یېتکزگن.
ایراننینگ تسنیم اخبارات آژانسی، اوشبو پیام عراقچیگه تاپشیریلگنی حقیده خبر بېردی.
تسنیم خبریده بو مکتوب حقیده آرتیقچه تفصیلات بېریلگن اېمس. شونینگدېک محسن نقوی، مکتوبنی ایران رهبری مجتبی خامنهاینینگ اۉزیگه تاپشیریشگه هم موفق بۉلگن اېمس.
دېمک، محسن نقوی بوندن آلدین، پاکستان باش وزیری شهباز شریف و بو مملکت اوردوسینینگ باشلیغی عاصم منیر پیامینی ایرانگه یېتکزیش مقصدیده، تهران کېلگنینی معلوم قیلگن اېدی.
ایتیلیشیچه اوشبو مکتوب، امریکا و ایران اۉرتهسیدهگی مذاکرهلر حقیده دیر. بیراق بو خصوصده کۉپراق تفصیلات بېریلگن اېمس.
پاکستان ایچکی ایشلر وزیری شوندهی بیرحالده مجتبی خامنهای اوچون بۉلگن مکتوبنی عباس عراقچیگه تاپشیرماقده دیر که خامنهای آتهسی وفاتیدن سۉنگ ایران رهبری اولهراق تعیین اېتیلگنیدن بویان عامه حضوریده کۉرینگن اېمس.
مجتبی خامنهاینینگ اوشبو دواملی غیبتی اونینگ سلامتلیگی حقیده هم بیر قنچه گمانلرنی اۉرتهگه آلیب کېلگن.
