بوگوندن باشلب کېلهسی بیر آیگچه دنیا بۉیلب اعتبارلر فوتبال جهان جامیگه قرهتیلیب، اوشبو مسابقهلرده، ۴۸ مملکتنینگ فوتبال ملی تیرمه جماعهلری بیر-بیراوی بیلن جهان قهرمانلیگی اوچون رقابت قیلهدیلر.
فوتبال و سپورت عالمیدهگی اېنگ قیزیق لیگه بۉلمیش «فوتبال جهان جامی» مکزیک، کانادا و امریکانینگ قۉشمه میزبانلیگیده، بوگون میزبان مکزیک و جنوبی افریقا فوتبال ملی تیرمه جماعهلری اوچرهشووی بیلن رسمی باشلنهدی.
معلوماتلرگه کۉره، بو لیگه دوامیده امریکا، مکزیک و کانادانینگ ۱۶ تورلی شهرلریدهگی استدیونلرده جمعی ۱۰۴ مسابقه اۉتکزیلهدی.
اۉزبېکستان فوتبال ملی تیرمه جماعهسی تاریخده ایلکبار اوشبو اۉیینلرده اشتراک اېتیب، اۉزی اوچون تاریخی فخر آلیب کېلماقده و بو اېسه اۉزبېکلرنینگ فوتبال جهان جامیده ایلکبار حضوری دیر.
اۉزبېکستاندن تشقری بو اۉیینلرده، تورکی دولتلرنینگ باشقه بیر وکیلی بۉلمیش تورکیه هم حضوری بار.
بو دور فوتبال جهان جامی، شوندهی بیر شرایطده اۉتکزیلماقده دیر که دنیانینگ تورلی حدودلری اوروش و برقرارسیزلیک همده سیاسی ماجرالرنی باشدن کېچیرماقده و بو فوتبال جهان جامی اېسه وقتینچهلیک بۉلسه هم بو برقرارسیزلیکلردن اعتبارلرنی اۉزیگه تامان تارتیلیشی کوتیلماقده.
شو بیلن بیرگه، بو دور فوتبال جهان جامی، کریستیانو رونالدو، لیونل مسی، لوکا مودریچ و کوین دیبروینه کبی فوتبال یولدوزلرینینگ اینگ سۉنگی حضورلری بۉلیشی هم کوتیلماقده.
