پاکستان باش وزیری شهباز شریف، ایران و امریکا اۉرتهسیدهگی کېلیشوونینگ یکونلی متنی تیارلنیب، ایکّی تامان تصدیقلهگنینی اعلام قیلدی.
شهباز شریف، بو مسالهنی بوگون شنبه، ۱۳ – جون معلوم قیلدی.
شو بیلن بیرگه، پاکستان باش وزیری اوشبو کېلیشوونینگ الکترونیک امضالنیشی کېلهسی ۲۴ ساعت دوامیده، بجریلیشی ممکن دېب بیلدیردی.
رویترز خبری اساسیده، پاکستان باش وزیری کېلیشوو خصوصیده یوقاری درجهدهگی متخصصلرنینگ صحبتلری هم کېلهسی هفتهدن باشلنیشی ممکن دېب معلوم قیلگن.
ایتیش کېرهک که اۉتگن کون ایران یېتکیرمهلری بو مملکت تامانیدن ۱۴ بندلیک بیر کېلیشوو رېجهسی تیارلنگنی حقیده خبر بېرگن اېدی.
اوشبو کېلیشووده، ایران رسمیلری بو مملکتگه قرشی تحریملر بیکار قیلینیشی و اوروش همده دېنگیز قمهلی یکونلنیشینی سۉرهگن.
