قزاقستان باش وزیرینینگ اۉرین باسری و بو مملکت اقتصاد وزیری سریک ژومانگارین بیر هیات باشچیلیگیده، کابل کېلگن.
طالبان صناعت و سودا وزیرلیگی تامانیدن بو حقده نشر اېتیلگن بیاناتگه کۉره، قزاقستان باش وزیری اۉرین باسری «افغان-قزاق توپلنمهسی» و کابلده قزاقستان محصولاتلری کۉرگزمهسینی اۉتکزیش مقصدیده کېلگن.
شو بیلن بیرگه، طالبان صناعت و سودا وزیرلیگی، قزاقستانلیک بو هیاتنینگ کابلدهگی سفری ایکّی تامانلمه اقتصادی مناسبتلرنی یخشیلنتیریشگه ایجابی حصه قوشیشیگه امید بیلدیرگن.
وزیرلیک بیاناتیده، حاضر هم قزاقستان و طالبان حاکمیتیدهگی افغانستان مناسبتلری یخشیلنیب بارهیاتگنی قید اېتیلگن.
بو شوندهی بیرحالده دیر که اۉرته آسیا مملکتلری اینیقسه قزاقستان، طالبان حاکمیتی بیلن اقتصادی مناسبتلرینی کوچهیتیریشگه اورینیب کېلماقده دیر.
بو اینتیلیشلر شوندهی بیرحالده دیر که حاضرگچه اوشبو مملکتلر تامانیدن طالبان حاکمیتی رسمی تَن آلینگن اېمس.
