طالبان ایچکی ایشلر وزیرلیگینینگ سۉزلاوچیسی عبدالمتین متین قانع ایکس صحیفهسیده نشر قیلگن بیاناتیده، هرات ولایتیده یوز بېرگن یانغین زیانلری حقیده تفصیلات بېردی.
قانعنینگ اعلام قیلیشیچه، هرات صناعت شهرچهسیدهگی قاغذ و مقوا ایشلب چیقرووچی ایشخانهده یانغین یوز بېرگنی عاقبتیده ۲۰ میلیون افغانی زیان اۉرتهگه کېلگن.
اوشبو واقعه، بوگون شنبه ۳۰ – جوزا تانگیده، ساعت ۳:۱۲ دقیقهده یوز بېرگن.
طالبان شونینگدېک، اوشبو واقعهده سوداگرلرگه تېگیشلی ۶۵۰ میلیون افغانی ارزشیگه نرسهلر قوتقریلگنینی هم بیلدیردی.
بو شوندهی بیرحالده دیر که اخیرگی وقتلرده افغانستان تورلی حدودلریده یانغین واقعهلری کۉپهیگن.
شو بیلن بیرگه، ایریم حالتلرده طالبان اوت اوچیریش ادارهسی خادملری کیچیک یېتیب کېلیشی زیانلر کۉپهیشی سبب بۉلگنی هم ایتیلگن.
