طالباننینگ صناعت و تجارت وزیرلیگی تامانیدن نشر اېتیلگن معلوماتگه کۉره، قزاقستان و افغانستان سوداگرلری اۉرتهسیده ۲۵ ته همکارلیک شرطنامهسی امضالنگن.
طالبان صناعت و تجارت وزیرلیگی اوشبو شرطنامهلر، دارو-درمان، سبزوات، میوه، بوغدای، اون، کچالو و بانکی همکارلر ساحهلرینی اۉز ایچیگه آلگنینی هم معلوم قیلگن.
مذکور شرطنامهلر، کابلده قزاقستان محصولاتلرینینگ کۉرگزمهسی و ایکّی تامان اۉرتهسیده سودا اوچرهشوولری دایرهسیده امضالنگن.
دېمک بو کۉرگزمهلر و اوچرهشوولر، قزاقستان باش وزیرینینگ اۉرین باسری و بو مملکت اقتصاد وزیری سیریک ژومانگارین اشتراکیده اۉتکزیلگن.
ایتیش کېرهک که قزاقستان باش وزیری اۉرین باسری بیر هیات باشچیلیگیده کابل کېلیب، ایکّی تامانلمه همکارلیکلر خصوصیده، طالبان رسمیلری جملهدن بو گروهنینگ باش وزیری محمدحسن آخوند بیلن اوچرهشوو اۉتکزدی.
قزاقستان حاضرگچه طالباننی رسمیتگه تَن آلمهگن بۉلسه هم بیراق بو گروه بیلن علاقهلرینی کېنگهیتیریشگه اورینماقده.
