بیر لبنانلیک حربي منبع نینگ ایتیشیچه، اسرایل اوردوسی یقینده اېگهللب آلگن لبنان حدودلرینینگ برچهسیده همان جایلشیب توریبدی.
بو حقده الجزیره 25-جون، پنجشنبه کونی لبنان اوردوسیدهگی حربي منبعگه تهیهنیب خبر بېردی.
خبرگه کۉره، اسرایل اوردوسی لبنان جَنوبیدهگی حایل حدودنینگ اَیریم قِسملریدن حلی هم چېکینمهگن.
گزارشده قید اېتیلیشیچه، اوّلراق امریکا تشقی ایشلر وزیرلیگی نینگ بیر رسميسی رویترزگه اسرایل «اېزگو نیت بېلگیسی» صفتیده حایل حدودنینگ اَیریم قِسملریدن چېکینگنینی ایتگن اېدی.
حزبالله و اسرایل اۉرتهسیدهگی اوروش اېران و امریکا اۉرتهسیدهگی مذاکرهلر بیلن باغلنیب کېتگنی سببلی ینهده مرکّبلشگن.
لبناندهگی اوروشنی یکونلش همان تهراننینگ امریکا بیلن مذاکرهلرنی دوام اېتتیریش اوچون قۉیگن اساسي شرطلریدن بیری صفتیده تیلگه آلینماقده.
