عراقدهگی شیعه قوراللی گروهلری ائتلافی حشد شعبی امریکا و سعوديه عربستانینینگ قۉشمه هجوملری عاقبتیده کمیده 20 نفر جنگچیسی اۉلدیریلگنینی تصدیقلهدی.
حشد شعبی بیاناتیده اونینگ بیر نېچه ولایتلردهگی رسمي حربي پایگاهلری نشانگه آلینگنی ایتیلگن.
بیاناتگه کۉره، هجوملر عاقبتیده کمیده 20 کیشی هلاک بۉلگن، ینه 32 کیشی یرهلنگن.
حشد شعبی اوشبو رقملر دستلبکی معلوماتلر اېکنینی، تېکشیروولر دوام اېتر اېکن، قربانلر سانی آرتیشی ممکنلیگینی بیلدیردی.
تشکیلات نینگ ایکس اجتماعي ترماغیدهگی بیاناتیده بغداد، کربلا، واسط، نینوا، بصره، کرکوک و دیاله ولایتلریدهگی حربي تاسیساتلر نشانگه آلینگنی، انساني تلفاتلردن تشقری، بیر نېچته حربي قرارگاه، ترانسپورت واسطهلری و حربي تخنیکگه هم جدّي مادّي ضرر یېتگنی قید اېتیلگن.
امریکا مرکزي قوماندانلیگی سنتکام و سعوديه عربستانی مدافعه وزیرلیگی بوگون (7 اسد) اېرتهلب قۉشمه عملیات دوامیده عراقدهگی حشد شعبی حربي تاسیساتلریگه ضربه بېرگنینی معلوم قیلگن اېدی.
امریکا مذکور عملیاتلرده اۉز حربي قرارگاهلریگه حشد شعبی تامانیدن اوچیریلگن درون هجوملریگه جوابن عملگه آشیریلگنینی بیلدیردی.
سعوديه عربستانی اېسه سۉنگگی ایکّی کون ایچیده حشد شعبی تامانیدن ریاضدهگی نفت آستقورمهلریگه اویوشتیریلگن درون هجوملریگه جوابن ضربه بېرگنینی معلوم قیلدی.
