افغانستانده طالبانگه قرشی کېنگهییب بارهیاتگن ناتینچلیکلر دوامیده، اۉتگن کېچه قندوز و بدخشان ولایتلری، آتیشمهلر گواهی بۉلگن.
ایتیلیشیچه، بدخشان ولایتی مرکزی فیضآباد شهریده راکت هجومیدن سونگ، تۉقنهشوولر تاووشی اېشیتیلگن.
شو بیلن بیرگه، قندوزنینگ هوا قۉنلغهسیده هم اۉتگن آقشم راکت هجوملری اویوشتیریلگن
بوحقده نشر اېتیلگن ایریم خبرلرگه کۉره، هجومده طالباننینگ بدخشان کېتیشنی کوتیب تورگن حربی نشانگه توتیلگن.
حاضرگچه بو هجوملر عاقبتیده طالبانگه یېتکزیلگن ضربه حقیده بیران تفصیلات بېریلگن اېمس. شونینگدېک طالبان هم بو خصوصده هیچ نرسه دېمهگن.
عینی حالده، طالبانگه قرشی بیران جبهه هم حاضرچه بو هجوم بورچینی بوینیگه آلمهگن.
