بیرلشگن ملتلر تشکیلاتینینگ باش کاتبی آنتونیو گوترش، دنیا بویلب هوا ایسّیقلیگی حددن تشقری یوقاری کېتهیاتگنیدن خواطر بیلدیریب، بو وضعیت آدملر جانینی آلهیاتگنیدن خبر بېردی.
گوترش اۉزینینگ ایکس صحیفهسیده یازگن بیاناتیده بو مساله یوزهسیدن خواطر بیلدیرگن.
بیرلشگن ملتلر تشکیلاتی باش کاتبینینگ تاکیدلشیچه، ایسّیق هوا، آدملر جانینی آلیشیگه قوشیمچه، آچلیک و تینگسیزلیکلرنی هم آشیرماقده.
شو بیلن بیرگه، بیرلشگن ملتلر تشکیلاتینینگ باش کاتبی، بو آغیر طبیعی حادثه برابریده جدّی چاره-تدبیرلر کۉریلیشی درکار دېب هم معلوم قیلگن.
بو شوندهی بیرحالده دیر که اخیرگی وقتلرده دنیا تورلی مملکتلریده هوا ایسّیقلیگی حددن تشقری یوقاری کېتیب، کۉپلب آدملر جانینی آلگن اېدی.
شونینگدېک، افغانستان تورلی حدودلری اینیقسه اۉزبېکلر یشاوچی مزارشریف، شبرغان، میمنه و سرپل کبی ولایتلردن هم هوا درجهسی کوتریلگنیدن شکایتلر بیلدیریلگن.
