جوزجان بیلیم یورتیدهگی منبعلرنینگ اۉزبېک تیوی گه ایتیشیچه، بو بیلیم یورتده ایکّی کوندن بېری طالبان دینی امتحان/سیناو آلماقده دیر.
منبعلرگه کۉره، اۉتگن کون اوشبو سیناو بیلیم یورت استاذلریدن آلینگن و بوگون اېسه، اداری خادملردن آلینماقده.
بوحقده اۉزبېک تیوی بیلن شریک اېتیلگن معلوماتده، طالبان جماعت آلدیده، یوقاری اۉقیش درجهسی و اوزاق ییللیک اۉقیتووچیلیک تجربهگه اېگه استادلردن، عادی دینی سواللر قیلیب، اولرنینگ بیلیملرینی مینسیمهیدیلر.
منبعلرگه کۉره، طالبان بیلیم یورت استادلری و خادملرینی یوقاری درجهده بۉلگن اۉقیش و بیلیملریگه هیچ قندهی اعتبار قرهتمهی اولرنی جماعه آلدیده حقارتلماقده.
بو شوندهی بیرحالده دیر که طالبان حاکمیتگه قیتگنیدن بیری، شوندهی باسیملر و حرکتلر بیلن بیلیم یورتلری و مکتبلرده اۉز تفکرینی مستحکملش اوچون حرکت قیلهیاتگنی معلوم قیلینگن.
