فاریاب ولایتیده ایکّی علیحده ترافیک حادثهسی یوز بېریب، بیر باله و بیر اېرکک جان بېرگن.
فاریاب ولایتیده طالبان امنیه قومندانلیگی معلوماتیگه کۉره، بیرینچی حادثه فاریاب ولایتی پشتونکوت اولسواللیگینینگ عرب آقسای حدودیده یوکتشووچی بیر موتر بیلن بیر موترسایکل تۉقنهشیشی عاقبتیده یوز بېرگن.
اوشبو واقعهده، موترسایکل هیداوچیسی آغیر یرهلنگن سۉنگ، مزارشریفگه آلیب کېتیلهیاتگنده جان بېرگن.
شونینگدېک، ینه بیر واقعهده خواجهسبز پوش اولسواللیگینینگ دشتبز حدودیده بیر موتر بیر بالهنی اوریب کېتگن.
واقعه یوز بېرگنیدن سۉنگ، بیرینچی موتر هیداوچیسی بالهنی شفاخانهگه یېتکزیشگه حرکت قیلگن بیراق باله جان بېرگنیدن سۉنگ یۉل چیتیده قۉییب قاچیب کېتگن
