حیاتالله دېب اتهلگن بیر مهاجر، ایران یۉلیده نیمروز چۉللریده جان بېریشیدن آلدین آنهسیگه مراجعت قیلیب اۉزیدن بیر ویدیو آلگن.
اوشبو ویدیو بیاناتده، حیاتالله «آنهجان دعا قیلینگ، مېن اۉلهیپمن» دېب قیغولی سۉزلرنی تیلگه آلهدی.
او شونینگدېک همه یقینلریدن کېچیریم سۉرهب، آنهسیدن بالهسیگه توجهسی بۉلیشینی هم طلب قیلهدی.
اوشبو ویدیو اجتماعی ترماقلرده کېنگ ترقهلیب، مناسبتلرگه سبب بۉلگن.
بو ویدیونی ثبت قیلگن حیاتالله یقینده نیمروز چۉللریده جان بېرگن ۱۹ مهاجردن بیری دیر.
اولر، ایشسیزلیک و اقتصادی باسیم سببلی ناقانونی یۉللر بیلن ایران کېتهیاتگن اېدی که نیمروز چۉللریده سوو یۉقلیگی و چنقاقلیک سبب جان بېرهدی.
ایتیش کېرهک که طالبان حاکمیتگه قیتیشی بیلن افغانستانده ایشسیزلیک درجهسی آشیب، اهالی اینیقسه یاشلرنی آغیر شرایطگه قۉیگن.
