امریکا قوشمه ایالتلرینینگ جمهور باشلیغی دونالد ترمپ ینه بیربار، بو مملکت و ایران وکیللری اۉرتهسیده مذاکرهلر دوام اېتهیاتگنینی ادعا قیلدی.
ترمپ شونینگدېک، بو مذاکرهلر ایران تامانیدن رد اېتیلگنینی ناتۉغری دېب، ایکّی تامان وکیللری ساعتلب مذاکره قیلگنینی اَیتدی.
بو شوندی بیرحالده دیر که اۉتگن کون، ایران تشقی ایشلر وزیرلیگینینگ سۉزلاوچیسی اسماعیل بقایی، حاضرده امریکا بیلن هیچ قندی مذاکرهلری یۉقلیگینی تیلگه آلگن اېدی.
بیراق ترمپ ادعاسیگه کۉره، امریکانینگ ایرانگه نسبتن کوچلی هجوملریدن سونگ ایران مذاکرهنی تکلیف قیلگن.
شونینگدېک ترمپ، بو تکلیف ایراندن تشقری سعودی عربستان، قطر و بیرلشگن عرب امیرلیکلری تامانیدن هم ایلگری سوریلگنینی تاکیدلدی.
ایتیش کېرهک که ترمپ ادعا قیلگن اوشبو مذاکرهلر خصوصیده حاضرگچه هیچ قندهی بیر تفصیلات موجود اېمس.
