اۉزبېکستان جمهور باشلیغی شوکت میرضیایف، اۉتگن کون تورکمنستان میزبانلیگیده اۉتکزیلگن مرکزی آسیا و آذربایجان دولت رهبرلری‌نینگ ییغینیده نطق سۉزلر اېکن، افغانستان حقیده هم قیسقه تۉخته‌تیلیب، بو مملکت بیلن سوو منبعلریدن فایده‌لنیش خصوصیده صحبت‌لشیش لازملیگینی تاکیدلگن.
شوکت میرضیایف، منطقه‌ده یشیل رواجلنیش و اقلیم اوزگریشی مساله‌لریگه تۉخته‌لر اېکن، سوو منبعلریدن فایده‌لنیش اوچون افغانستان بیلن دایمی ملاقاتنی اورغولگن.
بو حقده اۉزبېکستان جمهورلیک ریاستی مطبوعات خذمتی تامانیدن نشر اېتیلگن بیاناتده شوندی دېیلگن: «افغانستان بیلن سوو منبعلریدن فایده‌لنیش مسأله‌لری یوزه‌سیدن منطقه برچه مملکتلری‌نینگ منفعتلرینی حسابگه آلگن حالده دایمی ملاقاتنی یۉلگه قۉییشگه علیحده اعتبار قره‌تیلدی.»
اۉزبېکستان دولت رهبری، بو ملاقات قنده‌ی ایلگری آلیب کېتیلیشی حقیده آرتیقچه تفصیلات بېرمه‌گن.
بو شوندی بیرحالده دیر که طالبان افغانستانده قوش‌تیپه کانالی ایشینی باشله‌گن و خبرلرگه کۉره، بو کانال قوریلیشی اۉزبېکستانگه باره‌یاتگن سوونی آلدینی آله‌دی و اۉزبېکستان اوچون کتّه زیان اۉرته‌گه آلیب کېلیشی ممکن دیر.
