تخار ولایتی‌نینگ آلتی تومنی‌ده، ۶۰ عایله‌گه ساغین سیگیرلر و آزیق-آوقت پاکتلری شامل ۸۰ مینگ دالر ارزشی یاردم بېریلگن.
طالبان ایکینچیلیک، سووغاریش و چاروه‌چیلیک وزیرلیگی، بوگون اکس صحیفه‌سیده بیر بیانات آرقه‌لی اوشبو یاردم‌لرنینگ سوت ایشلب چیقریلیشی آشیشی، آزیق-آوقت خوفسیزلیگی یخشی‌لنیشی، برقرار درآمد منبع‌‌سی یره‌تیلیشی و قیشلاق‌ده‌گی عایله‌لرنینگ چاروه‌چیلیک آرقه‌لی تیریکچیلیک وضعیتی یخشی‌لنیشی مقصد، ترقه‌تیلگنی‌نی بیان قیلگن.
بیانیات گه کۉره، اوشبو یاردملر آغاخان جمغرمه‌سی آرقه‌لی تخار ایکینچیلیک، سووغاریش و چاروه‌چیلیک ریاستی‌نینگ چاروه‌لر ساغلیگی آمریتی هماهنگ‌لیگی‌ده ترقه‌تیلگن.
تخار ده طالبان‌نینگ ایکینچیلیک، سووغاریش و چاروه‌چیلیک باشلیغی قطب‌الدین دهنوری، بو کبی دستورلر‌نینگ نیازمند عایله‌لر قۉللب-قوتله‌نیشی‌ده مهم و فایده‌لی دېب و عایله‌لر اقتصادی امکانیتی آشیریلیشی‌گه اورغو بېرگن.
ایتیلیشچه، مذکور یاردملر تخار ولایتی فرخار، ورسج، کلفگان، بنگی، چال و نمک‌آب تومنلری‌ده‌گی نیازمند عایله‌لرگه ترقه‌تیلگن.
شونینگدېک بو یاردملردن فایده‌لنگن عایله‌لرگه واکسیناسیون و انگلی قورتلر بیلن قرشی کوره‌ش شامل چاروه‌لر ساغلیگی بۉییچه خذمتلر کورسه‌تیلیب، ساغین سیگیرلرنی سقلش توغریسیده تخنیکی تعلیملر بیریلیشی ممکن.
