سعودی عربستا‌ن‌نینگ هوا یۉللری اداره‌سی، بو مملکت‌گه قرشی حوثیلرنینگ اۉیوشتیرگن اینگ ینگی هجومی‌ده، ۱۲ کیشی اۉلیب و ۳۰۹ کیشی یره‌لنگنی‌نی معلوم قیلگن.
رویترز آژانسی‌نینگ گزارش بیریشیچه، حوثیلر عربستان پایتختی ریاض شهری‌ده خلق‌ارا «ملک خالد» قۉنالغه‌سینی نشان‌گه آلگن.
گزارشگه کۉره، بو، سعودی عربستان‌ده سۉنگی اون ییل‌دن آرتیق وقت ایچیده یوز بېرگن اینگ قانلی هجوم حساب‌لنه‌دی.
ایتیلیشچه، اۉلگنلر آره‌سیده سعودی عربستان، امریکا، مصر، اردن، سوریه، فلسطین و سودان یشاوچیلری شامل دیر.
ایتیش کېره‌ک که، سۉنگی بیر هفته‌ده ریاض قونالغه‌سی‌گه اوچینچی مرته هجوم‌گه قیلیندی. حوثیلر حاضرگچه مذکور هجوم توغریسیده هیچ بیر نرسه دېمه‌گن؛ بیراق آلدینگی هجوملر مسئولیتی‌نی بوینیگه آلگن ایدی.
