پاکستان جمهورباشلیغی آصف‌علی زرداری، خیبرپختونخوا ایالتیده شاشلینچ وضعیت اعلام بۉلیشی اوچون بو مملکت باش‌وزیری شهباز شریف تکلیفی‌نی امضا قیلدی.
پاکستان جمهور‌لیک ریاستی اداره‌سی، بوگون (۱۹-میزان، یکشنبه)، اعلام قیلیشیچه، زرداری مذکور تکلیف‌نینگ فدرال کابینه‌سی قراری، باش‌وزیری توصیه‌سی و امنیتی وضعیت همده عمومی نظم گه تیگیشلی نهادلرنینگ گزارشلری تیکشیریلگنی‌دن کیېن امضا قیلگن.
مذکور اداره‌‌نینگ بیانیاتی‌گه کۉره، حکومت هیاتلری بیلن مذاکره‌لرنینگ ناکام‌لیگی هم بو قرار عامللری‌دن بیری صفتیده بۉلگن.
شونده‌ی بیرحالده، پاکستان فدرال حکومتی‌نینگ ادعا قیلیشیچه، خیبرپختونخواده خوفسیزلیک وضعیت یامانله‌شیب و ترورچیلیک تهدیدلر سطحی کوپه‌یماقده.
بو قرار، پاکستان تحریک انصاف حزبی ۴-اکتبر‌دن باشله‌ب خیبرپختونخوا ایالتی باش وزیری سهیل افریدی رهبرلیگی‌ده ناراض‌لیک نمایشلری و یوریشلرینی باشله‌گن بیر پیتده اعلام قیلیندی.
