ینگی آپ بوتون دنیاده‌گی تینگلاوچیلرگه مینگلب اویغور قۉشیقلرینی تقدیم اېته‌دی.
اویغور تایمیزنینگ خبریگه کۉره، ینگی مبایل آپی اویغور موسیقه‌سینی بوتون دنیاده‌گی تینگلاوچیلر اوچون ینه‌ده قولای قیلیشنی مقصد قیلگن. آپ اویغو موسیقه‌سینی کشف اېتیش، اۉرتاقلشیش و قۉشیق حقیده فکر المه‌شیش، شونینگدېک صنعتچیلر بیلن باغلنیش حتا که اۉز ایجاد نمونه‌لری‌نینگ امکانیتینی دیجیتال آرقه‌لی یره‌تیب بېرگن.
«صدا» دېب آتلنگن اوشبو آپ حاضرده قریب 250 صنعتچی‌نینگ 11مینگگه یقین قۉشیغی‌نی اۉزیگه سیغدیرگن. اولر آره‌سیده قزاقستان، اۉزبېکستان و قیرغیزستانده‌گی اویغور موسیقه‌چیلری هم بار.
اوشبو آپنی ایشلب چیققن دکتور وارث عبدوکریم جانبازنینگ ایتیشیچه، مذکور دستور اویغور موسیقه‌سی، صنعتچیلری و تینگلاوچیلرینی بیرلشتیریش مقصدیده یره‌تیلگن. شونینگدېک، تکنالوژی آرقه‌لی اویغور تیلی و مدنیتینی سقلش اینیقسه ترغیب قیلیشگه کۉمکلشیش کۉزده توتیلگن.
بو آپده اویغور تیلیدن تشقری اویغورلر آره‌سیده کېنگ ترقلگن تیللر هم موجود.
رېجه “اویغور کمپیوتر فنلری اویوشمه‌سی” تمانیدن قۉللب-قوتلندی. اویوشمه اوشبو آپنی اویغورلرنینگ دیجیتال یۉنه‌لیشیده‌گی یوکسلیشیگه کېنگ تاثیر قۉیگنینی تصدیقله‌گن.
ایشلب چقرووچیلرنینگ اورغو بېریشیچه، اوشبو آپ یوکسلیش و تکاملشیش ایشلری حلی دوام اېتماقده و فایده‌لنووچیلر وقتی-وقتی بیلن تخنیک معمالرگه دوچ کېلیشلری ممکن.
«صدا» آپینی آیفون اپ استوریدن و اندوراید گوگل پلیسیدن یوکلب آلیش ممکن.
