اۉزبېک تی‌وی‌گه یوباریلگن معلوماتلر اساسیده، تخار ولایتی بیلیم یورتی‌ده اۉزبېک تیلی و ادبياتی بۉلیمی طلبه‌لری هر کون کلتک‌له‌نیب، حقارت بۉلماقده.
بیر منبع‌نینگ اۉزبېک تی‌وی گه ایتیشیچه، تخار بیلیم یورتی پشتو تیل و ادبیات بولیمی استادی بۉلمیش نظرمحمد روحانی، اوشبو بیلیم یورت‌نینگ اۉزبېک بۉلیمی‌ده پشتو تیلی‌نی درس بیریش‌گه شغللنگن.
منبع گه کۉره، مذکور استاد اۉتگن کونی (۱۹-میزان، یک‌شنبه)، تخار ولایتی اشکمش اولسواللیگی یشاوچیسی و اوشبو بۉلیم طلبهلریدن بیری شیرمحمد ناملی کیشی‌نی کلتک‌لب و شونینگدېک طلبه‌لردن برچه‌سینی «حیوان اسملری» بیلن حقارتله‌گن.
شونده‌ی بیرحالده، مذکور استادنینگ حرکتلریگه قرشی تورگن اۉزبېک استادلریدن بیری هم حقارت بولیب، بیلیم‌یورت ادارسی تامانیدن نظرمحمد روحانینینگ ایشیگه اره‌لشمسلیگی سۉره‌لگن.
ایتیلیشچه، بو واقعه روحانی اۉز اورنیده پشتو بولیمی طلبه‌لری‌نینگ اۉزبېک بولیمی‌گه درس بیریش اوچون یوباریشی و بو بولیم طلبه‌لری آرقه‌لی نظرمحمد روحانینینگ اۉزی کیلیب درس بیریشی ایسته‌لگنی بیرحالده، یوز بېرگن.
مذکور بولیم طلبهلریدن بیری‌نینگ اۉزبېک تی‌وی‌گه یازیشیچه، بو وضعیت طفیلی اۉقیش‌گه قیزیقمه‌ی و حتا افغانستان‌نی ترک قیلیش‌گه قرار آلگن.
طالبان گروهی حاکمیتیده تورلی ساحه‌لرده تورک خلقلریگه چېکلاولر یره‌تیلیب و بیلیم یورت کبی یېرلرده هم اۉزبېک طلبه‌لر حقارت بۉلیب و کلتک‌لنماقده.
ایتیش کېره‌ک که، بوندن آلدین جاری قویاش ییلی ۱۹-حمل، کابل بیلیم یورتی‌ده هم طالبان عالی اۉقوو وزیری اۉزبېک طلبه‌نینگ اۉزبېکچه کینگنی اوچون کلتکلگن ایدی.
