اروپا اتفاقی تامانیدن افغانستان بۉییچه بو اتفاق ینگی وکیلی اوله‌راق تنیشتیریلگن توماس فرلسون، کابلده‌گی تشریفی دوامیده طالبان تشقی ایشلر وزیری امیرخان متقی بیلن اوچره‌شگن.
طالبان تشقی ایشلر وزیرلیگی تامانیدن نشر اېتیلگن بیاناتگه کۉره، اوچره‌شووده سیاسی و انسانپرورلیک مساله‌لری خصوصیده فکر المشتیریلگن.
طالبان بو اوچره‌شووده بحث اېتیلگن سیاسی و انسانپرورلیک مساله‌لر تۉغریسیده آرتیقچه تفصیلات بېرمه‌گن.
شو بیلن بیرگه، اروپا اتفاقی‌نینگ وکیلی، افغانستان خوفسیزلیک وضعیتی و مخدره ماده‌لرگه قرشی کوره‌ش اوچون کوتریلگن آدیملردن قدرله‌گنی هم ادعا قیلینگن طالبان تشقی ایشلر وزیرلیگی بیاناتیده.
توماس فرلسون، اروپا اتفاقی افغانستان بیلن همکارلیکلرینی دوام اېتتیریشینی هم بیلدیرگن.
