طالبان نظارتی آستیده‌گی افغانستان برق یېتکزیش شرکتی (برشنا)، نینگ اعلام قیلیشیچه، طالبان و اۉزبېکستان رسمیلری قۉشمه ییغین‌ده ۵۰۰ کیلوولتلی سرخان-پلخمری برق اۉزه‌تیش لایحه‌سیده‌گی بار معمالر همده قالگن ایشلرینی تیزلشتیریش یۉللری توغریسیده صحبت قیلگنلر.
برشنا شرکتی، بوگون (۲۲-میزان، چهارشنبه)، بیر بیانات آرقه‌لی یازیشیچه، بو شرکت اجرایی عمومی باشلیغی عبدالحق همکار، اۉزبېکستان انرژی وزیرلیگی اۉرین‌باسری بیلن اۉچره‌شگنی‌ده لایحه رواجلنیشی، لایحه‌نی مالیه‌لشتیریش، تخنیک حجتلری و لایحه‌لرنی یکونلش و شونینگدېک تخنیک ملاحظه‌لر بیلن سودا حجتلری اۉرته‌سیده‌گی تفاوتلرنی برطرف ایتیش مسئله‌لرینی محاکمه قیلگن.
شونینگدېک ساحه‌ده توخته‌ب قالگن ایشلرنی قیته باشلش و کیچیکتیریلگن ایشلرنی برطرف قیلیش اوچون انیق ایش ریجه‌سینی ایشلب چیقیش هم بو ییغین‌نینگ باشقه مهم موضوعلری‌دن بۉلگن.
طالبان نظارتی آستیده‌گی افغانستان برق یېتکزیش شرکتی‌گه کۉره، لایحه بیلگیلنگن وقت جدولی اساسیده یکونله‌نیب و فایده‌لنیش‌گه تاپشیریلیشی مقصد، ایکّی تامان تیگیشلی اداره‌لر آره‌سیده هماهنگ‌لیک‌نی کوچه‌یتیریش، موجود توسیقلرنی برطرف ایتیش و فعالیتلر عمل‌گه آشیریش جریانی‌نینگ تیزلشتیریش‌گه کیلیشگنلر.
