قیشلاقده حیات کیچیره‌دیگن عیاللر اۉز جمعیتلری‌گه قۉشه‌یاتگن قیمتلی حصه‌سی بیلن برچه اوچون ینه‌ده برقرار و مستحکم کیله‌جک‌نی قوریش‌ده مهم رول اوینه‌یدی.
بیرلشگن ملتلر تشکیلاتی بوگون (۲۳-میزان/۱۵-اکتبر، پنج‌شنبه)، «خلق‌ارا قیشلاق عیاللری کونی» مناسبتی بیلن اکس صحیفه‌سیده، اهالی‌دن اوشبو عیاللرنینگ سعی‌وحرکتلرینی قدرلش و اولرنی قۉللب-قوتلش‌گه چقیرگن.
شونده‌ی بیرحالده، افغانستان ده قیشلاقده حیات کیچیره‌دیگن عیاللر ایکینچیلیک، چاروه‌چیلیک و قول صناعتی کبی بیر قطار بولیملرده حصه قۉشیب و عایله‌لری‌نینگ نیازینی تامین‌لش همده محلی اقتصاد‌ده مهم رول اوینه‌یدی.
ایتیش کېره‌ک که، افغانستان قیشلاق عیاللری‌نینگ کوپینچه ساحه‌لرده مهم حصه قوشه‌یاتگنی بیلن، بیراق ینه هم اولر حیات‌نینگ کوپینچه امکانیتلریدن محروملیک، طبی خذمتلردن فایده‌لنیش امکانیتی چیکلنگنی، ملکه‌لی قابله‌لر کم‌لیگی همده دوالنیش مرکزلری‌گه باره‌یاتگن یوللرنینگ اوزاق‌لیگی و قیین‌لیگی کبی معمالر بیلن دوچ کیلماقده.
