فلسطین اسیرلر انجمنی، ۲۰۲۳-ییل اکتبر آیی‌دن حاضرگچه ۲۰۰۰ دن آرتیق فلسطین‌لیک باله‌نینگ اسرائیل کوچلری آرقه‌لی حبس‌گه آلینگنینی معلوم قیلگن.
خلق‌ارا یېتکرمه‌لرنینگ بوگون (۱۵-اکتبر، پنج‌شنبه)، اوشبو انجمن‌دن نقل قیلیب گزارش بیریشیچه، اسرائیل رسمی‌لری فلسطین‌لیک باله‌لرنی نشان‌گه آلماقده. بو جریان قورقیتیش و حبس‌گه آلیش‌دن باشله‌ب و کلتک‌لش، آچ سقلش و طبی خذمتلردن محروم قیلیش‌گچه دوام ایته‌دی.
مذکور تشکیلات‌نینگ اورغولشیچه، اسرائیل تامانیدن باله‌لر عیبی بیلینمسدن یا-ده آزاد ایتیلیش مدتی بیلگی‌لنمسدن حبس‌ده سقلش سیاستی، ېنه بیر حقوق بۉزرلیک و جنایت حساب‌لنه‌دی. بو سیاست اېسه باله‌لرنی نابیللی بیر کیله‌جک بیلن روپه‌ره قیلیب و اولرنی عایله‌وی و تعلیم برقرارلیگیدن محروم قیله‌دی.
فلسطین اسیرلر انجمنی، اۉز باشیمچه‌لیک حبس‌گه آلینگن باله‌لرنینگ آزاد بۉلیشی اوچون دنیا همجمعی‌نینگ حقیقی شکلده حرکت قیلیشی‌نی سۉره‌گن.
