خلق‌ارا آزیق-آوقت کونی یېتیب کېلیشی بیلن بیرگه، بیرلشگن ملتلر تشکیلاتی‌نینگ باش کاتبی آنتونیو گوترش، دنیاده کینگه‌ییب باره‌یاتگن آچلیک احوال آغیرلیگیدن خبر بېردی.
گوترش تامانیدن نشر اېتیلگن معلوماتگه کۉره، حاضرده دنیاده ۶۴۵ میلیون کیشی آچلیک وضعیتده یشه‌ماقده دیر.
بیرلشگن ملتلر تشکیلاتی‌نینگ باش کاتبی شونینگدېک، حاضرده دنیاده ۲.۷ میلیارد کیشی یېترلی و ساغلام آوقت گه ایریشیشگه قادر اېمس دېب معلوم قیلگن.
گوترش دنیاده دوام اېته‌یاتگن آغیر احواللر، انسان یېترلی آزیق-آوقت‌گه ایریشیشی اوچون توسقینلیک قیله‌یاتگنینی معلوم قیلگن.
بو شوندی بیرحالده دیر که طالبان حاکمیتیده بۉلگن افغانستان، اینگ کۉپ اهالیسی آغیر اقتصادی وضعیتده حیات کېچیریب کېله‌یاتگن مملکتلردن بیری دیر.
خلق‌ارا تشکیلاتلرنینگ معلوماتیگه کۉره، حاضرده افغانستان‌نینگ جمعیتیدن یریمی‌دن آرتیغی انسانپرورلیک یاردملرگه محتاج.
